នារសៀលថ្ងៃពុធ ទី៣០ ខែកក្កដា ឆ្នាំ២០២៥ នៅវត្តក្បាលកោះ ភូមិបឹងលាច ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង ឯកឧត្តម អ៊ង លាងហ៊ួ សមាជិកគណៈកម្មការទី៧ព្រឹទ្ធសភា និងសមាជិកក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញចូលរួមគោរពវិញ្ញាណក្ខន្ធក្នុងពិធីឈាបនកិច្ចសពលោកព្រិន្ទបាលឯក ហេង តាំង នាយទាហានរងការិយាល័យទី១ នៃបញ្ជាការដ្ឋានកងពលតូចអន្តរាគមន៍លេខ១ ដែលបានពលីជីវិតក្នុងសមរភូមិមុខយ៉ាងអង់អាចក្លាហានបំផុត កាលពីថ្ងៃទី ២៨ ខែកក្កដា ឆ្នាំ២០២៥ ក្នុងជន្មាយុ ៤៥ឆ្នាំ ដោយមានវត្តមានចូលរួមដោយ ឯកឧត្តម ឆាយ រិទ្ធសែន រដ្ឋមន្ត្រីក្រសួងអភិវឌ្ឍន៍ជនបទ និងលោកជំទាវ ព្រមទាំងប្រតិភូក្រសួង ក្រុមប្រឹក្សាខេត្ត គណៈអភិបាល ខេត្ត មន្ត្រីរាជការជុំវិញខេត្ត កងកម្លាំងប្រដាប់អាវុធខេត្ត ក្រុមប្រឹក្សាស្រុក គណៈអភិបាលស្រុកសាមគ្គីមានជ័យ ក្រុមប្រឹក្សាឃុំសេដ្ឋី លោកគ្រូ អ្នកគ្រូ សិស្សានុសិស្ស ប្រជាពលរដ្ឋ ព្រះសង្ឃ ពលទាហាន នាយទាហាន។ សូមឧទ្ទិសបួងសួងដល់ដួងវិញ្ញាណក្ខន្ធលោកព្រឹន្ទបាលឯក ហេង តាំង បានទៅកាន់សុគតិភពកុំបីឃ្លៀងទៀតឡើយ និងសូមតាំងសច្ចាក្នុងចិត្តគោរពដឹងគុណ និងចងចាំជានិច្ចនូវវីរភាពរបស់វីរកងទ័ព ដែលបានពលីជីវិតក្នុងសមរភូមិប្រយុទ្ធ ដើម្បីបុព្វហេតុការពារទឹកដីពីសត្រូវឈ្លានពាន។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
